الأحد، يونيو 17، 2012

شعر محمد سالم : الترجمة الحرفية لكلمة مصر


الترجمة الحرفية لكلمة مصر


سطّر تاريخ للخلود
ما بين حرف ومنتهاه
ال م/ مبنى عالى ملوش حدود
نبض يمكن للحياة
ال ص/ صبر وصل للجمود
عشنا احنا بين مداه
ال ر/ رحمة زايدة من الجدود
طوق منانا للنجاة

مصر
نسر عالى وله جناح
يعلى حتى فوق رماح
الصيادين والنصابين
والطبالين والدلالين
بس صابه طلقة جدع
والضربة كانت ضربة وجع
واجعة قلوبنا ليل نهار
والانهيار أصبح منح
بيوزعوه ويفرقوه
واللى يفوق منا وينتبه
يغموا له عينيه ويكمموه
ويسحلوه ويضربه ويموتوه
وبالبيادة بيدسوه

الأوسمة
بيوزعوها وسطهم
هنا وسام سوء الادارة
وهنا وسام للدعارة
والبيه وسام للشطارة
ومش شطارة
تبنوا بيت وتخربوه
وتقولوا سكانه خانوه
مش شطارة تركعوا للعهد القديم
وتخوضوا في أعراض الحريم

ده المش مباح
فى عهدكم بقى مستباح
والمباح فينا آلم
ودم سايل ع الطريق
وشعر اسود في لوح خشب
ودم جامد في العروق
وشعر أبيض للحكومه يُنتسب




محمد سالم على

هناك 4 تعليقات:

  1. احساسك العالي وكلامك السهل الممتنع قدر يعبر عن معني كلمة وطن ( مصر) ربنا يوفقك يااااااارب

    ردحذف
  2. جاااااااااامد بجد وحقيقي جداااااااا

    ردحذف
  3. شكرا جدا ليكوا يا جماعه

    ردحذف
  4. جاااااااااااااااامده يا ابوعلى

    ردحذف